ရန်ကုန်တိရစ္ဆာန်ဥယျာဉ်
တိရစ္ဆာန်များနှင့် ထိန်းသိမ်းရေး
နေ့စဉ် ဖွင့်လှစ်ပါသည် • မနက် ၈ နာရီ မှ ညနေ ၅ နာရီ
သဘာဝထဲတွင် (၃၀-၄၀) နှစ်ခန့် အထိနေထိုင်နိုင်သော်လည်း ထိန်းသိမ်းမွေးမြူစောင့်ရှောက်ထားသည့်နေရာများတွင်သက်တမ်း (၅၀) နှစ်ခန့် အထိနေထိုင်နိုင်ပါသည်။
အစုံစားလိပ်ဖြစ်ပြီး အသီးအနှံ၊ ကျောရိုးမဲ့၊ ကျောရိုးရှိသတ္တဝါငယ်များနှင့်အင်းဆက်ပိုးမွှားများကိုလည်းစားသောက်တတ်ပါသည်။
မြန်မာနိုင်ငံ အလယ်ပိုင်းရှိ တောခြောက်များ၊ ချုံပုတ်တောများနှင့် ဆူးပင်ထူထပ်သော မြက်ခင်းပြင်များတွင် နေထိုင်ကြပါသည်။
မြန်မာနိုင်ငံအလယ်ပိုင်း၊ အထူးသဖြင့် အပူပိုင်းမိုးနည်းရပ်ဝန်းဒေသများတွင်သာ တွေ့ရှိရသော ဒေသရင်းမျိုးစိတ် ဖြစ်သည်။
ကျောခွံသည် အညိုရင့်ရောင်(သို့မဟုတ်)အနက်ရောင်ပေါ်မှာ ကြယ်ပုံသဏ္ဌာန်အစင်းကြောင်းပါရှိသောကြောင့် “ကြယ်လိပ်” ဟု ခေါ်ကြပါသည်။
အပြည်ပြည်ဆိုင်ရာ သဘာဝပတ်ဝန်းကျင် ထိန်းသိမ်းရေးအဖွဲ့ (IUCN)မှ ထုတ်ပြန်ထားသော Red List အရ မျိုးသုဉ်းလုနီးပါး အန္တရာယ်ရှိသောမျိုးစိတ် (Critically Endangered) အဖြစ် သတ်မှတ်ထားပါသည်။